Ұлттық шұғыл медицинаны үйлестіру орталығы

Пациенттің құқықтары мен міндеттері

Пациенттердің құқықтары

Қазақстан Республикасының 2009 жылғы 18 қыркүйектегі №193-IV «Халық денсаулығы және денсаулық сақтау жүйесі туралы» Кодексіне сәйкес Қазақстан Республикасының азаматтары келесі құқықтарға ие:

Қазақстан Республикасы Үкіметі бекітетін тізімге сәйкес тегін медициналық көмектің кепілдік берілген көлемін алуға;

Тегін медициналық көмектің кепілдік берілген көлемі шеңберінде дәрілік заттармен және медициналық мақсаттағы бұйымдармен қамтамасыз етілуге;

Медициналық ұйымды еркін таңдауға, сапалы және уақтылы медициналық көмек алуға;

Диагностика, емдеу және күтім жасау барысында өз мәдени және жеке құндылықтарына құрметпен, лайықты қарым-қатынасқа;

Медициналық көмекті кезектілікпен тек медициналық көрсеткіштерге сәйкес, ешқандай кемсітушілік факторларға жол берілмей алуға;

Отбасының, туыстарының және достарының, сондай-ақ діни бірлестіктер қызметкерлерінің қолдауына;

Қолданыстағы медициналық технологиялар деңгейі мүмкіндік беретін шеңберде ауырсынуды және азапты жеңілдетуге;

Өзінің денсаулығы туралы, тексеру нәтижелері, профилактика, диагностика және оңалту әдістері туралы ақпарат алуға;

Мемлекеттік органдардан, ұйымдардан және емдеуші дәрігерден өз құзыреті шегінде профилактика, диагностика, ауруларды емдеу және медициналық оңалту әдістері, клиникалық зерттеулер және денсаулыққа әсер ететін факторлар туралы шынайы ақпаратты тегін алуға;

Өз денсаулығы туралы тәуелсіз пікір алуға және консилиум өткізуге;

Кепілдік берілген тегін медициналық көмектен тыс қосымша медициналық қызметтерді өз қаражаты, ұйымдардың қаражаты, ерікті сақтандыру жүйесі және өзге де заңмен тыйым салынбаған көздер есебінен алуға;

Қазақстан Республикасы Үкіметі айқындайтын тәртіппен медициналық көрсеткіштер болған жағдайда бюджет қаражаты есебінен шетелде медициналық көмек алуға;

Өз еркін білдіруге мүмкіндігі жоқ жағдайларды (шок, кома), жұқпалы аурулар, айналадағы адамдарға қауіпті аурулар, ауыр психикалық бұзылыстары бар жағдайларды қоспағанда, медициналық көмектен бас тартуға;

ҚР ДСМ «Ұлттық шұғыл медицинаны үйлестіру орталығы» ШЖҚ РМК клиникалық базасында жүргізілетін оқу процесіне қатысудан және емдеу-диагностикалық процедуралар кезінде бөгде адамдардың қатысуынан бас тартуға;

Дәрігерлік құпияны құрайтын құпия мәліметтердің жария етілмеуіне (ерекше көзделген жағдайларды қоспағанда);

Уақытша еңбекке жарамсыздық фактісін растайтын еңбекке уақытша жарамсыздық парағын немесе анықтамасын алуға;

Көрсетілетін ақылы қызметтер, олардың құны және ұсынылу тәртібі туралы ақпарат алуға;

Медициналық қызметкерлердің дәрілік заттарды, медициналық мақсаттағы бұйымдар мен медициналық техниканы дұрыс тағайындамауы және қолдануы салдарынан денсаулығына келтірілген зиянның орнын өтеуге;

Медициналық және фармацевтикалық қызметкерлердің әрекеттеріне (әрекетсіздігіне) денсаулық сақтау ұйымына, жоғары тұрған органға және (немесе) сот тәртібімен шағымдануға;

Мемлекеттік медициналық сараптама қорытындысымен келіспеген жағдайда тәуелсіз сарапшыларды тарту туралы өтініш жасауға.

Азаматтардың ана мен баланы қорғау құқығы келесі жолмен қамтамасыз етіледі:

Кепілдік берілген тегін медициналық көмек шеңберінде медициналық тексерулер жүргізу, репродуктивті жастағы әйелдерді динамикалық бақылау және сауықтыру;

Әйелдердің репродуктивті денсаулығына және баланың денсаулығына тікелей әсер ететін негізгі ауруларды медициналық көрсеткіштер бойынша емдеу, ауру балаға күтім жасау үшін стационарға жатқызу кезінде.

Пациенттердің міндеттері

Қазақстан Республикасының 2009 жылғы 18 қыркүйектегі №193-IV «Халық денсаулығы және денсаулық сақтау жүйесі туралы» Кодексіне сәйкес Қазақстан Республикасының азаматтары міндетті:

Өз денсаулығын сақтауға қамқорлық жасауға;

Денсаулығын сақтау мен нығайтуға бағытталған шаралар қабылдауға;

Ішкі тәртіп ережелерін сақтауға, медициналық ұйым мүлкіне ұқыпты қарауға, медициналық көмек алу кезінде медицина қызметкерлерімен ынтымақтаса әрекет етуге;

Қазақстан Республикасының денсаулық сақтау саласындағы заңнамасына сәйкес профилактикалық медициналық тексерулерден өтуге;

Жеке және қоғамдық денсаулыққа қатысты медициналық қызметкерлердің нұсқамаларын орындауға;

Өз денсаулығы мен айналадағы адамдардың денсаулығын қорғау жөніндегі сақтық шараларын сақтауға, медициналық ұйымдардың талап етуі бойынша тексерілуге және емделуге, жұқпалы және айналадағы адамдарға қауіп төндіретін аурулар туралы медициналық персоналды хабардар етуге;

Медицина қызметкерлерімен қарым-қатынаста сыпайылық пен құрмет танытуға;

Диагноз қою және емдеу үшін қажетті барлық ақпаратты дәрігерге хабарлауға;

Медициналық араласуға келісім бергеннен кейін емдеуші дәрігердің барлық нұсқамаларын мүлтіксіз орындауға;

Диагностика және емдеу кезінде денсаулығының жағдайы өзгергені туралы медициналық қызметкерлерге уақтылы хабарлауға, сондай-ақ айналадағы адамдарға қауіп төндіретін аурулар немесе күдік туындаған жағдайларда да хабарлауға;

Басқа пациенттердің құқықтарын бұзатын әрекеттер жасамауға.

ҚР ДСМ «Ұлттық шұғыл медицинаны үйлестіру орталығы» ШЖҚ РМК аумағында тыйым салынады:

Алкогольдік ішімдіктерді ішу, есірткі, психотроптық және уытты заттарды қолдану;

Алкогольдік, есірткілік немесе уытты мас күйінде болу;

Темекі шегу және ашық отты пайдалану;

Үстіңгі киіммен және ауыстырмалы аяқ киімсіз (бахиласыз) ғимаратқа кіру;

Палаталарда үстіңгі киімді және аяқ киімді сақтау;

Басқа палаталарға, бокстар мен бөлімшелерге рұқсатсыз кіру;

Дыбысты қатты шығарып сөйлесу, шу шығару;

Дәрігер қабылдауында, процедуралар, манипуляциялар және тексерулер кезінде ұялы телефонмен сөйлесу;

Қалдықтарды, қоқысты рұқсат етілмеген жерге тастау;

Жылу жүйесі құралдарын өз бетінше реттеу;

Электр құрылғыларын қараусыз қалдыру;

Тұрмыстық электр қайнатқыштарын пайдалану;

Құжаттарды, ақшаны, бағалы заттарды қараусыз қалдыру;

Қызметтік көлік қозғалысына кедергі келтіретін жеке автокөлікті орталық аумағына қою;

Рұқсат етілмеген азық-түліктер мен сусындарды алып кіру және тұтыну, жеткізу қызметтерін пайдалану;

Емдеуші дәрігердің немесе бөлім меңгерушісінің рұқсатынсыз бөлімшеден шығу;

Пиротехникалық құралдарды (петардалар, фейерверктер, хлопушкалар) пайдалану;

Отты және суық қару, химиялық және жарылғыш заттар және өзге де қауіпті заттарды алып кіру;

Ірі көлемді заттарды (қаптар, туристік рюкзактар, чемодандар және т.б.) алып кіру;

Фотосуретке түсіру, аудио-, бейнежазба жасау және трансляция жүргізу — тек орталық басшылығының рұқсатымен ғана рұқсат етіледі.