Қазақстан Республикасы Денсаулық сақтау министрлігінің «Ұлттық шұғыл медицинаны үйлестіру орталығы» шаруашылық жүргізу құқығындағы республикалық мемлекеттік кәсіпорны

Республикалық деңгейде медициналық авиация нысанында медициналық көмек көрсету бастапқыда Қазақстан халқына «Республикалық ғылыми жедел медициналық жәрдем орталығы» АҚ құрамындағы Республикалық медициналық авиация үйлестіруші орталығымен 2011 жылдың сәуір айынан бері көрсетілді.

Санитариялық авиация желісі бойынша шұғыл медициналық көмек көрсететін медициналық ұйымдар қызметтерін табысты үйлестіру мақсатында Қазақстан Республикасы Үкіметінің 2012 жылғы 28 желтоқсандағы № 1724 қаулысымен ҚР ДСМ «Республикалық медициналық авиация орталығы» ШЖҚ РМК құрылды. Бұдан әрі Қазақстан Республикасы Үкіметінің 2019 жылғы 24 қаңтардағы № 12 қаулысымен Орталық ҚР ДСМ «Ұлттық шұғыл медицинаны үйлестіру орталығы» ШЖҚ РМК болып өзгертілді.

Біздің миссиямыз:
Ауыл тұрғындары үшін оның қолжетімділігін жақсарту жолымен медициналық көмек көрсету.

Орталықтың мүмкіндігі:
Тұрақты даму, сапа мен пациенттердің қауіпсіздігін арттыру және ұлттық, халықаралық стандарттарды енгізу қағидаттарына негізделген медициналық көмек көрсетудің пациент-бағдарланған жүйесі бар тиімді және сенімді медициналық авиация қызметі.

Мақсаты:
Қазақстан Республикасы тұрғындарының өлімі мен мүгедектігін төмендету үшін әуе кемелерін пайдаланумен жедел медициналық көмек сапасы мен қолжетімділігін арттыру.

Орталықтың міндеттері:

• Әуе көлігін (медициналық авиацияны) пайдалана отырып, Қазақстан Республикасының халқына шұғыл медициналық көмек көрсетуді ұйымдастыру
• Санитариялық авиацияның өңірлік бөлімшелерінің қызметін ұйымдастыру және үйлестіру
• Халықаралық стандарттар негізінде Қазақстан Республикасында медициналық авиация қызметін дамыту.
• Қазақстан Республикасында жедел медициналық көмек қызметін үйлестіру