KZ

Қазақстан Республикасы Денсаулық сақтау министрлігінің «Ұлттық шұғыл медицинаны үйлестіру орталығы» ШЖҚ РМК ресми сайтында қош көрдік.

Орталық Қазақстан Республикасы Үкіметінің 2012 жылғы 28 желтоқсандағы № 1724 қаулысына сәйкес құрылды және бүгінгі күні белсенді құрылым кезеңінде.

Орталықтың негізгі міндеті әуе көлігін (санитариялық авиациялық) пайдалана отырып, Қазақстан Республикасы халқына шұғыл медициналық көмек көрсетуді ұйымдастыру болып табылады.

Орталық өз қызметін Қазақстан Республикасы Денсаулық сақтау министрлігімен, басқа да мемлекеттік органдармен, сондай-ақ мемлекеттің авиациялық компанияларымен тығыз қарым-қатынаста жүзеге асырады.

Бұдан басқа Орталық Қазақстан Республикасы жедел медициналық көмек қызметінің жұмысына мониторинг жасайды.

Қазіргі уақытта Орталық санитариялық авиация желісі бойынша әртүрлі меншік нысанындағы әуекомпаниялармен серіктестік қарым-қатынаста. Әуе тасымалдаушыларға өте қатаң талаптар қойылады. Ең алдымен бұл экипаждардың кәсіпқойлығына және әуе кемесінің (ӘК) ұшуға дайын болу уақытына қатысты. ӘК тиісті ұшу-техникалық сипаттамалары болған кезде экипаж топырақты ұшу-қону жолақтарынан қону және ұшуға дайын болуы тиіс. Бұл алыс және жетуі қиын елді мекендерге ұшу кезінде өте маңызды.

Орталық барлық Медициналық холдинг клиникаларымен, Астана және Алматы қалаларының Республикалық клиникаларымен серіктестік қарым-қатынаста. Емделуді қажет ететін жоғарыда көрсетілген клиникалардағы пациенттер клиника мамандарымен бірге санитариялық авиация қызметімен тасымалданады.

Орталықтың барлық мамандары жоғары білікті мамандар болып табылады, өздерінің кәсіби дағдыларын жетілдіруге ұмтылады. Санитариялық авиация қызметіндегі медициналық сервис медициналық персоналдардың кішіпейілдігі мен қарапайымдылығының арқасында жоғары деңгейде тұр.

Қорытындылай келе сіздің назарыңызды біздің сайтымызда «Кері байланыс» бөлімі бар екеніне аударамыз. Осы құралдың көмегімен сіз бізге өздеріңіздің сұрақтарыңызбен және ұсыныстарыңызбен өтініш білдіре аласыздар.

FaLang translation system by Faboba