2021 жылғы 11 шілдеде өңірлік медициналық авиацияның мобильдік бригадасы 1993 жылы туған ер адамды тасымалдау үшін Тараз – Жаңатас - Тараз бағыты бойынша ұшып шықты.
Пациент 9 шілдеде аса ауыр жай-күйде жедел медициналық жәрдем бригадасымен жол - көлік оқиғасы болған жерден Жамбыл облысы Сарысу аудандық орталық ауруханасына жеткізілді. Қабылдау бөлімшесінде медициналық мамандар қарап-тексеріп, шұғыл түрде реанимация бөлімшесіне "жабық бас сүйек-ми жарақаты, ауыр дәрежедегі бас миының соғылуы"диагнозымен емдеуге жатқызылды.
Компьютерлік томография жүргізу қажеттілігіне байланысты, сондай-ақ бейінді нейрохирург маман болмағандықтан, 2021 жылғы 11 шілдеде мамандандырылған медициналық көмек көрсету үшін пациент Тараз қаласының қалалық көп бейінді ауруханасына тікұшақпен тасымалданды.
