2020 жылғы 13 қарашада Ұлттық шұғыл медицинаны үйлестіру орталығының басшылығы «Aeroprakt.kz» ЖШС ұйымдастырған PILATUS PC-12 NG ұшағының тұсаукесеріне қатысты. Ұшақтың бұл түрі тасымалдау кезінде пациенттерге уақтылы сапалы медициналық көмек көрсету үшін қажетті заманауи сертификатталған борттық медициналық модульмен жабдықталған.
Тұсаукесер барысында «Aeroprakt.kz» ЖШС өкілдері әуе көлігі құралының негізгі ұшу-техникалық сипаттамалары туралы айтып, медициналық модульді пайдалану мүмкіндіктерін көрсетті, сондай-ақ 40 минутты құрайтын ұшақта тестілік ұшу орындалды.
Медициналық авиация мамандары қауіпсіз медициналық авиациялық тасымалдауды қамтамасыз ететін медициналық авиациялық көлік құралының дизайны мен пайдалану мүмкіндіктеріне белгілі бір талаптарды тұжырымдайды. Өңірлерде нашар дамыған әуеайлақ инфрақұрылымын ескере отырып, топырақты ұшу-қону жолақтарынан (алаңдарынан) қонуды және ұшып көтерілуді орындау қабілетіне көңіл бөлінбейді. Қойылған талаптар Ұлттық шұғыл медицинаның үйлестіру орталығы үшін Қазақстан Республикасының медициналық авиация қызметін әуе кемелерінің (тікұшақтармен және ұшақтармен) әртүрлі үлгілерімен қамтамасыз етуде қажеттілікті айқындайды.
