2025 жылғы 29 мамырда Жезқазған қалалық көпсалалы ауруханасынан 2000 жылы туған пациент ауыр жағдайда көптеген жарақаттар, жаралармен және термиялық күйіктермен шұғыл түрде ҰШМҮО ауруханасына жеткізілді.
Тасымалдау арнайы жабдықталған Pilatus PC-12 әуе кемесімен жүзеге асырылды. Медициналық эвакуацияны медициналық авиацияның мобильдік бригадасы дәрігер А. Оспанов пен фельдшер И. Сейітова жоғары кәсіби деңгейде қамтамасыз етті.
Медициналық бригада мен әуе экипажының кәсіби әрі үйлесімді жұмысының арқасында пациент уақытылы ҰШМҮО ауруханасына жеткізіліп, қазіргі уақытта оған қажетті жоғары білікті медициналық көмек көрсетілуде.
Пациентке тезірек сауығып кетуін тілейміз!
