Ер адамды апта бойына бас ауруы, тұрақсыз қан қысымы мазалап жүрген, жай-күйінің нашарлауына байланысты жедел медициналық жәрдем шақырылып, пациент қабылдау бөлімшесіне жеткізілді, неврологиялық бөлімге шұғыл түрде емдеуге жатқызылды.
Медициналық мамандардың зерттеп-қарауынан кейін ер адамға ми қан айналымының жіті бұзылуы, мидың ісінуі диагнозы қойылды. Пациенттің жай-күйі церебральды жеткіліксіздікке, неврологиялық бұзылуларға байланысты ауыр.
Қайта қан кету қаупін, мидың ісінуінің жоғарылауын, аудандық ауруханада нейрохирургтың болмауын, қосымша қарап-тексерудің және шұғыл операцияның қажеттілігін ескере отырып, 28 қазанда медициналық авиация тікұшағымен ер адам Алматы көпбейінді клиникалық ауруханасына жеткізілді.
Жол бойы ер адам медициналық авиацияның мобильдік бригадасының үздіксіз бақылауында болды.
