2022 жылғы 15 маусымда Новоуренгой орталық қалалық ауруханасының қабылдау бөлмесіне бас ауруы мен аяқ-қолының әлсіздігіне шағымданған 1970 жылы туған ер адам келіп түсті.
Қарап-тексеру және зерттеп-қарау нәтижелері бойынша ол реанимация бөлімшесіне емдеуге жатқызылды. Төмендемейтін артериялық гипертензия аясында сананың тереңдеуі байқалды, ер адамға ми қан айналымының жіті бұзылуы диагнозы қойылды. Шұғыл көрсеткіштер бойынша операция жасалды.
Тыныс алу және церебральды жеткіліксіздікке, неврологиялық жетіспеушілікке, дененің интоксикациясына байланысты -пациенттің жай-күйі ауыр болып қалады. Өкпені жасанды желдету аппаратында.
Пациенттің қызының Ресей Федерациясындағы ҚР азаматы - әкесін әуекөлігінде тасымалдауда көмек көрсету туралы келіп түскен сұрау салуы негізінде белгіленген рәсімдер шеңберінде пациентті медициналық авиация желісі бойынша отанына тасымалдау мүмкіндігі туралы мәселе қаралды.
Осыдан кейін 31 шілдеде Ұлттық шұғыл медицинаны үйлестіру орталығы әуе кемесінің ұшуын ұйымдастырды. Пациент тұрғылықты жері бойынша Тараз қаласының ауруханасына одан әрі емделуден және ұзақ оңалтудан өту үшін жеткізілді.
Тасымалдауда ҚР Омбы қаласындағы Бас консулдығы, сондай-ақ Қазақстан Республикасының Денсаулық сақтау министрлігі мен Сыртқы істер министрлігі көмек көрсетті.
