2021 жылғы 20 сәуірде сөйлеу алмау, әлсіздік және сол қолы мен аяғындағы қозғалыстың шектелуі, бас ауруына шағымдармен 1981 жылы туған әйел Сүйіндік ауылдық ауруханасына келіп түсті.
Қатты ауырған – таңертең құлап, есінен танып қалған. Учаскелік дәрігер шақырылып, алғашқы медициналық көмек көрсетілді, жай-күйі тұрақталғаннан кейін емдеуге ауруханаға жеткізілді.
Пациентке жіті ми қан айналымының бұзылуы, аралас инсульт, сол жақ гемипарез диагнозы қойылған. Неврологиялық белгілерге байланысты жалпы жай-күйі ауыр.Телефон арқылы аудандық аурухананың невропатолог дәрігерімен консультация өткізілді.
Ауылдық ауруханада бейінді медициналық маман жоқ екенін назарға ала отырып, сондай-ақ елді мекеннің облыс орталығынан қашықтығына байланысты (600 км.) ағымдағы жылдың 25 сәуірінде одан әрі зерттеп-тексеру және мамандандырылған ем қабылдау үшін пациент Атырау қаласының Облыстық инсульт орталығына медициналық авиация күшімен тасымалданды.
