2021 жылғы 7 қаңтарда Қазақстанның медициналық авиация күші арқылы медициналық авиация мобильді бригадасының алып жүруімен Қызылорда қаласындағы Көпбейінді облыстық балалар ауруханасынан одан әрі Ұлттық ғылыми медициналық орталықтың балалар кардиохирургия бөлімінде емделуден өту үшін Нұр-Сұлтан қаласына 2020 жылы туған екі бала бірден жеткізді.
2020 жылы 18 шілдеде туған бала туа біткен жүрек ақауымен шала туған. Бір ай жасында оған ішек операциясы жасалды. Сол рейспен 2020 жылы 1 қазанда туған тағы бір бала туа біткен жүрек ақауымен ауыр халде жеткізілді.
Медициналық авиацияны тарта отырып, екі баланы тасымалдау аралық қашықтыққа, пациенттерді автокөлік және темір жол көлігімен тасымалдаудың мүмкін еместігіне, сондай-ақ республикалық маңызы бар медициналық мекемеде жоғары технологиялық кардиохирургиялық түзетуді алудың шұғыл қажеттілігіне негізделген.
Ауыр халдегі диагнозы бар кішкентай пациенттерді әуе көлігімен тасымалдаудың маңыздылығы пациенттің жай-күйін тез арада тұрақтандыруды қамтамасыз ету, бүкіл ұшу уақытында ағзаның өмірлік маңызды функцияларын бақылау және шұғыл шаралар қолдану болып табылады.
Бүгінгі таңда екі бала да Ұлттық ғылыми медициналық орталықта емделуді жалғастыруда. Олардың бірі операция алдындағы тексеруден өтеді, содан кейін хирургиялық емдеу жоспарлануда. Екіншісінде жедел емдеу жүргізілді, жай-күйі ауыр, тұрақты, емдеудің одан әрі кезеңінен өту үшін бейінді бөлімшеге ауыстыру жоспарлануда.
Қазақстан Республикасының Ұлттық шұғыл медицинаны үйлестіру орталығының жұмысы басталғаннан бері 2020 жылдың қорытындысы бойынша 18014 ұшу орындалды, 24 945 медициналық қызмет көрсетілді, сондай-ақ 23 414 пациентке медициналық авиация нысанында медициналық көмек көрсетілді, оның ішінде патологиясы бар жаңа туған нәрестелер 3463 (15 %) құрайды.
