2025 жылдың 24-27 сәуірінде Сан-Диего қаласында (АҚШ) жүрек ритмі қоғамының (HRS) кезекті жыл сайынғы Конгресі өтті. Бұл маңызды шара электрофизиология саласындағы әлемдік жетекші мамандардың басын қосып, аритмияларды емдеудегі жаңа технологиялар мен озық әдістерді талқылауға арналған бірегей алаң саналады. Конгресс барысында 6000-нан астам қатысушы өзара тәжірибе алмасып, аритмияларды емдеудің болашағы мен даму бағыттарын кеңінен талқылады.
Жыл сайын Қазақстанның аритмологтары HRS Конгресіне белсене қатысуда, ал 2025 жылы елімізді Астана, Алматы, Шымкент және Қызылорда қалаларынан 10 маман қатысты. Бұл Қазақстандағы кардиология ғылымының жоғары деңгейде дамып келе жатқанын көрсетеді.
Қазақ қоғамы аритмологтар қоғамының Президенті, ҰШМҮО жанындағы «Жүрек ырғағы орталығының» басшысы, профессор Аян Сулейменұлы Абдрахмановтың HRS-тің «Fellow» (Құрметті мүшесі) «TV HRS» телеарнасына арнайы сұхбат беруі Қазақстанның жүрек ритмі саласындағы жоғары кәсібилі танудың айқын көрінісі болып табылады.
Профессор Абдрахманов сұхбатында Қазақстан аритмологтар қоғамының даму жолы, оның қазіргі жетістіктері және жүрек ритмінің бұзылуын емдеудегі халықаралық ынтымақтастықтың болашағы туралы айтып берді. Бұл сұхбат еліміздің халықаралық аренадағы дәрежесін арттыруға және жаңа ғылыми жетістіктерді енгізуге жаңа мүмкіндіктер ашты.
