2025 жылдың 10 сәуірінде ҰШМҮО Қадыр Мырза Әлі атындағы Binom School мектеп-лицейінің 7 "И" сынып оқушылары үшін «Ата-ананың жұмысындағы бір күн» жобасы аясында экскурсия ұйымдастырылды.
Экскурсия барысында оқушылар клиниканың қабылдау бөлімін, Оқу-жаттығу орталығын және медициналық авиация бөлімін аралады. Орталықтың қызметкерлері мекеменің жұмысы туралы жан-жақты айтып беріп, оқушылардың сұрақтарына жауап берді.
Әсіресе Оқу-жаттығу орталығында өткізілген іс-шара ерекше қызығушылық тудырды. Мұнда оқушылар шұғыл жағдайлар кезінде жедел жәрдемге дейін алғашқы көмекті дұрыс көрсетудің маңыздылығымен танысты. Арнайы манекендер арқылы жүрек-өкпе реанимациясы бойынша алғашқы көмек көрсету дағдыларын тәжірибе жүзінде жасап көрді.
Бұл шара өте танымды және әсерлі өтті. Оқушылардың медициналық мамандықтарға деген қызығушылығы артып, жаңа білім мен маңызды тәжірибе жинақтады.м
