Жыл сайын 28 шілдеде көптеген елдерде Дүниежүзілік гепатитке қарсы күрес күні (World hepatitis Day) өтеді. Оның құрылған күні В гепатиті вирусын ашқан Нобель сыйлығының лауреаты, американдық дәрігер Барух Самуэль Блумбергтің туған күні болды.
Гепатит бауыр тінінің қабынуы саналады. Гепатиттің түріне байланысты А, В, С, Д және Е типтері ретінде анықталған бес негізгі гепатит вирусы бар, оны адамдар жұқтырған дене сұйықтықтарынан немесе ластанған тамақ пен судан жұқтырылуы мүмкін.
Гепатит вирустары адам денсаулығы үшін негізгі қауіпті факторлардың бірі болып саналады. ДДҰ мәліметтері бойынша, гепатит әлемде шамамен 2 миллиард адамға жұққан, яғни планетаның әрбір үшінші тұрғыны, 325 миллион адам В немесе С вирустық гепатитімен өмір сүреді, жыл сайын 900 мың адам В вирустық гепатитінен қайтыс болады. Кейбір елдерде халықтың көп бөлігі А вирустық гепатитімен ауырды, ал тұрғындардың оннан бір бөлігі В және С гепатиті вирустарының тасымалдаушылары болып табылады.
Біріншіден, жұқтырудан аулақұстауға тырысуға болады: гигиенаны сақтау (бұл А және Е вирустарынан қорғау үшін маңызды), қан құю және жыныстық қатынас кезінде сақ болу (бұл В және С вирустарынан қорғануға көмектеседі). Екіншіден, сіз екпе жасай аласыз - вирусқа қарсы препараттардың көмегімен С гепатиті инфекциясы бар адамдардың 95% - дан астамын емдеуге болады. Әдетте, вакцина адамды А және В вирустарын жұқтырудан сенімді қорғайды.
Әрбір адамның гигиеналық білімді практикада қолдануы, А және В гепатиттерінің иммунопрофилактикасының маңыздылығын мойындауы, сондай-ақ екпе жүргізуге қатысу әрбір жекелеген елдің ғана емес, жалпы планета халқының да денсаулығын сақтауға мүмкіндік береді.
Деніңіз сау болсын!
