Бүгінгі таңда елімізде жол-көлік апаты жарақаттанудың негізгі түрі болып табылады. Жол - көлік оқиғасында адамдар жеңіл және жеңілден өте ауырға дейінгі әртүрлі жарақат түрлерін алады.
Жыл сайын автокөлік саны артып келеді, алайда жол-көлік оқиғаларының көпшілігі көліктердің дұрыс жұмыс істемеуінен емес, жол қозғалысын игеруші-жүргізушілердің кінәсінен болады.
Ұлттық шұғыл медицинаны үйлестіру орталығының медициналық авиацияның мобильдік бригадалары 2023 жылғы 6 айда 391 жарақат алған пациентке 252 ұшуды жүзеге асырды, оның ішінде жол-көлік оқиғалары салдарынан зардап шеккен пациенттерге 99 ұшуды орындады.
Бұл сандардың артында қазақстандықтардың өмірі тұр. Ахуал орталығының күшімен бейінді мамандарды тарта отырып, 88 пациентке қосымша телемедициналық консультация өткізілді.
Статистикаға сәйкес 2023 жылдың 6 айында жарақат алған пациенттердің ең көп үлесі Абай, Жамбыл және Ақтөбе облыстарына тиесілі.
Мәселен, Абай облысы зардап шеккендер мен жарақат алғандар саны бойынша, оның ішінде ЖКО салдарынан бірінші орында тұр.
Тек бірінші жартыжылдықта 69 пациент, оның ішінде 9-ы жол-көлік оқиғалары салдарынан медициналық авиация бортымен өңірлік және республикалық клиникаларға тасымалданды. ( 2022 жылы – 38 пациент, оның 5-і ЖКО салдарынан).
Жер үсті санитариялық көлігі жарақат алған 11 пациентке барды, оның 4 жағдайында жол-көлік оқиғасы болды.
Жамбыл облысында 53 пациент жарақат алған, оның 13-і жол-көлік оқиғаларынан зардап шекті. Өткен жылы бұл көрсеткіш әлдеқайда аз болды – 34 адам жарақат алды, оның 18-і апаттан зардап шекті. Жерүсті санитариялық көлігімен 148 шақыртуға қызмет көрсетілді, оның ішінде 69 адам – ЖКО-дан зардап шеккендер.
Ақтөбе облысы антилидерлердің соңғы үштігін иеленді, онда 24 адам жарақат алды, оның 6 – ы ЖКО салдарынан. (2022 жылы – 22 адам, оның 9-ы ЖКО-дан зардап шеккендер). Жерүсті санитариялық көлігімен 35 шақыруға қызмет көрсетілді, оның 19-ы ЖКО-дан зардап шеккен пациенттер.
Көптеген апаттар жүргізушілердің жол қозғалысы ережелерін бұзуына байланысты екенін айта кету керек. Негізгі себептерге агрессивті маневр жасау және басып озу, жылдамдық режимін бұзу, қарсы жолаққа шығу жатады.
Соңғы уақытта жол-көлік оқиғаларының қатысушылары мен құрбандары болып табылатын балалар мен жасөспірімдер санының өсу үрдісі байқалуда. Сондықтан балалардың жол-көлік жарақаты мәселесі әлі де өзектілігін сақтауда.
Ерте жастан бастап балаларды жол қозғалысы ережелеріне саналы және құрметпен қарауға үйрету керек, бұл әр адамның мінез – құлқының нормасы ғана емес, сонымен қатар денсаулықты сақтайтын, қазіргі адамның қауіпсіз өмір сүруінің ерекше стилі болуы қажет. Жол қозғалысы ережелерін зерделеу, үнемі қайталау балалар мен жасөспірімдер арасында жол-көлік жарақатын болдырмаудың жетекші факторы болып табылады.
Құрметті ата-аналар, балаларыңызға мопед, скутер, мотоциклдер сатып алғанда, олардың салдары туралы ойланыңыз.
Кәмелет жасқа толмаған бала автокөлік құралын басқаратын болса өзіне ғана емес, жол қозғалысының басқа да қатысушыларына қауіп төндіреді! Мұндай әрекеттерге жол бермеңіз.
Егер сіз балаңызды бақылап, оған қауіпсіздік ережелерін үйретсеңіз, көптеген жарақаттар алудың және олардың салдарының плдын аласыз.
Ал жолдардың сапасы жол апатында маңызды рөл атқарады.
Біздің орталықтың статистикасы бойынша Самара-Шымкент, Алматы - Тараз, Тараз-Қаратау, М-38 автожолдары көптеген жол апаты орын алады.
Ұлттық шұғыл медицинаны үйлестіру орталығы барлық жүргізушілерді белгілі бір қозғалыс жағдайларына сәйкес жылдамдықты таңдауға, маневр жасау кезінде мұқият болуға, әрқашан қауіпсіздік белдігін тағуға шақырады.
Құрметті оқырмандар!
Жол ережелерін сақтаңыз!
Жолда абай болыңыз! Өзіңізді және өміріңізді қорғаңыз!
