2020 жылғы 10 наурызда Семей қаласының 103 диспетчерлік қызметіне 10 сағат 24 минутта жүректің ауыруына шағымдануына байланысты шұғыл шақырту келіп түсті. 1938 жылы туған қарт әйел медициналық көмекке мұқтаж болды. Шақыру құрамында екі фельдшер бар жедел медициналық жәрдемнің ең жақын бос бригадаға берілді.

Бригада шақыруға 9 минутта келді. Пациентке келген кезде артериялық қысымның деңгейін реттейтін препараттардың артық дозалануынан туындаған ауыр дәрежедегі дәрі- дәрмектік гипотония диагностикаланды, пульс тек ұйқы артериясында ғана анықталды. Фельдшерлер дереу реанимациялық іс- шараларды өткізуге кірісті. Шақыруға қосымша дәрігер мен екі фельдшер бар реанимациялық бригадасы жіберілді. Реанимациялық бригаданың келуі кезінде фельдшерлер перифериялық қан тамырларында пульсті қалпына келтіре алды , АҚ100/70 мм сб ретінде анықталды. Науқас ЖМК реанимациялық бригадасына берілді, ол медициналық көмек көрсетуді жалғастырды. Кәсіби және нақты іс- әрекеттердің арқасында жүрек-өкпе реанимациясы алгоритміне сәйкес дәрігерлер әйелді құтқарып қалды және 11 сағат 49 минутта пациент Семей қаласының Жедел медициналық жәрдем ауруханасына жеткізілді.