2021 жылғы 15 маусымда кішкентай пациент ауыр халіне байланысты медициналық авиация желісі арқылы Ақтау қаласынан Педиатрия және балалар хирургиясы ғылыми орталығына келіп түсті.
Туғаннан бастап ауырады, мерзімінен бұрын туылған, тыныс алу жеткіліксіздігінің, оттегіге тәуелділік салдарынан жай-күйі ауыр. Нәресте Ақтау қаласының медициналық мекемелерінде күтімнің ұзақ кезеңінен өтті. Өмірінің 43-ші күнінде балаға операция жасалды-трахеостомиялық түтік қойылды. Балаға медициналық мамандар көк іріңді таяқшадан туындаған пневмония, ұзаққа созылған екі жақты полисегментті пневмония, ларингиальды стеноз диагнозын қойды.
Педиатрия және балалар хирургиясы ғылыми орталығында бала кешенді терапияның толық курсынан өтті.
Сәбидің жай-күйінің ауырлығын, сондай-ақ бейінді ЛОР - бөлімшеде одан әрі емделу қажеттілігін назарға ала отырып, 2021 жылғы 28 маусымда баланы медициналық авиация желісі бойынша Нұр-Сұлтан қаласының Ана мен бала ұлттық ғылыми орталығына тасымалдады.
