2024 жылғы 27 қарашада ҚР Денсаулық сақтау министрі А.Ш. Әлназарованың, ҚР Денсаулық сақтау вице-министрі Т. М. Мұратовтың сүйемелдеуімен РФ Денсаулық сақтау министрі М. А. Мурашконың қатысуымен делегацияның Ұлттық шұғыл медицинаны үйлестіру орталығына сапары өтті. Кездесу барысында Ресей Федерациясының министрі медициналық авиацияның қызметімен, жаңа көпбейінді ауруханамен және жоғары технологиялық медициналық жабдықтармен танысып, одан әрі іс-шаралар мен ынтымақтастықты талқылады.