Түркістан облысының медициналық авиация қызметі 2020 жылдың қыркүйегінен бастап Түркістан қаласының Облыстық жедел медициналық жәрдем станциясының балансына берілді. Шымкент қаласының Облыстық клиникалық ауруханасында орналасқан.

Жауапты және өте маңызды өңірлік қызметті  Жайлаухан Құлыбайұлы Қарабеков – облыстық клиникалық ауруханада (ОКА) 40 жылдан астам жұмыс істеген жоғары санатты анестезиолог-реаниматолог дәрігер басқарады.

2022 жылдың қорытындысы бойынша медициналық авиацияның мобильдік бригадасымен 95 ұшу орындалды, 102 пациентке қызмет көрсетілді, оның ішінде: облыстық клиникаларға 69 пациент тасымалданды, аудандық ауруханалар жағдайында 23 операция жүргізілді, 10 бетпе-бет консультация ұйымдастырылды.

Көптеген жерлерде топырақты жерлер бар екенін және жаңбыр мен қар кезінде әуе кемесімен ұшу мүмкін  еместігін ескере отырып, жер үсті көлігімен шығу жүзеге асырылады. Өткен жылы 3622 шақыруға қызмет көрсету орындалды, 3717 пациентке қызмет көрсетілді: оның ішінде: бетпе-бет консультациялар – 2186, операциялар – 466, облыстық клиникаларға тасымалданғандар – 970.

Орындалған шығулардың ішінен өсу санаты бойынша ең көп үлес жаңа туған балаларға шақыртулар орын алады.  Аурудың нозологиясы бойынша аймақтағы бірінші орынды жарақаттармен, жол-көлік оқиғаларымен байланысты шығулар алады.

Медициналық мамандар ауыр халдегі пациенттерге 2678 телеконсультация жүргізді, бұл шұғыл көмек көрсету саласындағы қашықтықтан медициналық қызметтердің маңыздылығын көрсетеді.

Медициналық авиация арқылы шұғыл медициналық көмек көрсетудің арқасында ауыр халдегі пациенттер қысқа уақыт ішінде облыстық клиникаларға тасымалданады, еліміздің азаматтарының өмірі сақталады.