Бұл жолы Астана – Ақтау – Астана бағыты бойынша медициналық рейстің пациенттері жаңа туған нәрестелер болды.
Балалар 2022 жылдың соңында дүниеге келді. Облыстық перинаталдық орталықтың дәрігерлері нәрестелерде туа біткен ақау – бүйрек гидронефрозы – зәрдің артық мөлшерінің жиналуын анықтады.
Ауру прогрессивті сипатта болып табылады. Бүйрек гидронефрозының қаупі бүйректен зәрдің ағуын қиындатады, бұл оның функциясының бұзылуына және бүйрек жеткіліксіздігінің дамуына әкеледі. Ана мен бала ұлттық ғылыми орталығында жүргізілетін жедел емдеуді уақтылы жүргізу ауруды емдеуге және күрделі асқынулардың дамуын болдырмауға мүмкіндік береді.
2023 жылғы 5 қаңтарда медициналық авиацияның ұлттық үйлестіру бортының дәрігерлері сәбилерді Ана мен бала ұлттық ғылыми орталығына жеткізді, онда оларға қажетті операция жасалады.
Еліміздің кішкентай азаматтарының тез сауығып кетуіне үміттенеміз.
