17 қарашада әлемде Халықаралық шала туылған балалар күні (World Prematurity Day) атап өтіледі. Ол 2009 жылы Еуропалық жаңа туған нәресте күтімі қорының (European Foundation for the Care of Newborn Infants, EFCNI) бастамасымен құрылды.

Жыл сайын планетамызда шамамен 15 миллион бала шала туылады, басқаша айтқанда, бұл әрбір туылған сәбидің 10-шысы. Бұл балалардың миллионнан астамы туылғаннан кейін көп ұзамай қайтыс болады, ал көпшілігі физикалық және неврологиялық мүгедектіктің әртүрлі түрлерінен зардап шегеді немесе оқуда қиындықтарға тап болады. Статистикаға сәйкес, мерзімінен бұрын босану әлемдегі жаңа туған нәрестелер өлімінің жартысына жуығын құрайды.

Сонымен қатар, соңғы жылдары балалардың мерзімінен бұрын туылуының тұрақты өсуі байқалады. Өздеріңіз білетіндей, барлық жаңа туған нәрестелер ерекше күтімді қажет етеді, бірақ мерзімінен бұрын туылғандарға одан да көп күтім қажет..

Ұлттық үйлестіру орталығының мамандары 2022 жылғы 10 ай кезеңінде түрлі патологиялары бар 434 жаңа туған нәрестеге медициналық көмек көрсетті.