Бүгінде ең күрделі және жауапты медициналық мамандықтардың бірі кәсіби мерекені – анестезиологтар-реаниматологтар атап өтуде.
Бұл күн кездейсоқ таңдалған күн емес – дәл 1846 жылы 16 қазанда Америка Құрама Штаттарында тіс дәрігері В.Мортон алғаш рет хирургиялық араласу үшін эфирлік наркозды қолданған. Тіс дәрігерінің экспериментінің арқасында анестезия кең таралды және бұл күнді медицинаның маңызды салаларының дәрігерлері күні ретінде атала бастады. Осылайша, барлық елдердің дәрігерлері операция кезінде пациенттерді қатты ауырсынудан құтқарудың жолын тапқан дәрігерге алғысын білдірген.
Кез келген дәрігердің жұмысы ауыр, өйткені дәрігерлер пациенттерінің өмірі мен денсаулығы үшін үлкен жауапкершілікті алады. Алайда, «анестезиология және реанимация» мамандығы – барлық басқа медициналық мамандықтардың ішінде: бұл дәрігерлерге өте үлкен жүктеме жүктеледі, өйткені олардың жұмысы өмір мен өлімнің алдында тұрған пациенттерге көмек көрсетумен байланысты ерекшеленді.
Кез келген стационарда анестезиология және реаниматология қызметі пациенттерге емдік көмек көрсетуде жетекші орын алады. Ірі мекемелерде реанимация және қарқынды терапия бөлімшелері, сондай-ақ анестезиология және реаниматология бөлімшелері бар. РҚТБ және АРБ қызметкерлері тәулік бойы ауыр және аса ауыр халдегі пациенттерге қарқынды терапия мен реанимациялық шараларды жүзеге асырады, операциялық кезеңде, яғни операция кезінде және операциядан кейінгі кезеңде пациенттердің қауіпсіздігін қамтамасыз етеді.
Медициналық авиация қызметін сондай-ақ өз ісінің тәжірибелі мамандары – реаниматологтар ұсынады, олар әуеде де, жерде де ауыр халдегі пациенттерге уақтылы медициналық көмек көрсете алады. Сондай-ақ, ҰШМҮО құрылымында Ахуал орталығы өзінің үздіксіз жұмысын жүргізеді, оның реаниматологтары бүкіл республика бойынша реанимация бөлімшелеріндегі пациенттерге тәулік бойы консультация береді. Бұл шаралардың барлығы адамды өмірге қайтаруға немесе ағзаның өмірлік функцияларын сақтауға бағытталған.
Құрметті анестезиологтар мен реаниматологтар! Сіздерді кәсіби мерекелеріңізбен құттықтаймыз! Сіздерге кәсіби жетістіктер мен жаңа табыстар тілейміз!
