Дүниежүзілік мейірбикелер кеңесінің ұйғарымымен 1971 жылы бастау алған, содан бері Мейірбикелер күні деп аталып келе жатқан осы күнді ресми мереке ретінде атап өту дәстүрге айналды. Мейірбике ісінің негізін салушы Флоренс Найтингейлдің туған күніне орай 12 мамырда атап өтіледі. Халық денсаулығын жақсарту, медициналық қызмет сапасын арттыру, халықты қолжетімді медицинамен қамтамасыз ету, медициналық алғашқы жәрдемді жетілдіру, ана мен бала денсаулығын қорғау, тұрғындарды салауатты өмір салтына баулу, басқа да мейірбикелердің қызметтік міндеттері олардың денсаулық сақтау саласындағы орнын көрсететіндігінің тағы бір дәлелі.
