Жалпы хирургия департаменті 26 төсектік, оның ішінде 4 төсегі тамырлық бейіндегі пациенттерге арналған.
Департаментте кең спектрдегі шұғыл және жоспарлы хирургиялық және тамырлық аурулары бар пациенттерге тәулік бойы мамандандырылған медициналық көмек көрсетіледі. Жұмыс шұғыл, сабақтастық және көпбейінді тәсіл қағидаттары негізінде, дәстүрлі ашық операциялармен қатар заманауи шағын инвазивті технологияларды қолдану арқылы ұйымдастырылған.
Қызметтің негізгі бағыттары
Жалпы хирургия
- Құрсақ қуысы ағзаларының жедел ауруларын емдеу, соның ішінде жедел аппендицит, жедел холецистит және әртүрлі жарық түрлері;
• Құрсақ қабырғасы жарықтары және көкеттің өңеш тесігі жарықтары кезінде герниопластика және реконструктивтік операциялар;
• Өт жолдарынан конкременттерді эндоскопиялық жолмен алып тастау;
• Құрсақ қуысы және мойын ағзалары жарақаттары кезінде көмек көрсету;
• Асқазан-ішек жолынан қан кетулер кезінде эндоскопиялық және хирургиялық гемостаз;
• Лапароскопиялық, эндоскопиялық және ашық хирургиялық технологияларды қолдана отырып операциялар орындау.
Тамыр хирургиясы
- Артериялық және веноздық жүйенің жедел және созылмалы ауруларын емдеу;
• Ұйқы артериясы, магистральдық артериялар және аяқ-қол веналарына хирургиялық араласулар;
• Әртүрлі локализациядағы тамыр аневризмаларын емдеу;
• Жедел артериялық және веноздық тромбоздар, сондай-ақ тамыр жарақаттары кезінде көмек көрсету;
• Заманауи диагностика және емдеу технологияларын қолдана отырып ашық, эндоваскулярлық және гибридті тамыр операцияларын орындау.
