Медициналық авиация департаменті өз қызметінде Қазақстан Республикасының заңнамасын, Қазақстан Республикасы Денсаулық сақтау министрлігінің нормативтік құқықтық актілерін, ҰШМҮО Жарғысын, сондай-ақ ҰШМҮО Басқарма төрағасының бұйрықтары мен өкімдерін басшылыққа алады.
Департаменттің негізгі міндеттері
- Қазақстан Республикасының аумағында және одан тыс жерлерде Қазақстан Республикасы азаматтары мен қандастарды тасымалдау мақсатында ұшуларды ұйымдастыру және жүзеге асыру.
- Медициналық авиация қызметі арқылы шұғыл медициналық көмектің қолжетімділігін қамтамасыз ету.
- Пациенттің орналасқан жеріне консультациялық көмек көрсету және хирургиялық араласулар жүргізу үшін бейінді мамандарды азаматтық авиацияның тұрақты рейстерімен уақтылы жеткізуді қамтамасыз ету.
- Трансплантациялық бағдарламалар шеңберінде ағзаларды (ағза бөліктерін) және тіндерді (тін бөліктерін) алуға қатысатын мамандарды тасымалдауды ұйымдастыру.
- Қазақстан Республикасы халқына медициналық авиация арқылы көрсетілетін шұғыл мамандандырылған және жоғары технологиялық медициналық көмек жүйесін дамыту және жетілдіру.
Департамент құрылымы
Медициналық авиация департаментінің құрамында диспетчерлік пост, Қазақстан Республикасының өңірлері бойынша дәрігер-үйлестірушілер (17 облыс), сондай-ақ медициналық авиацияның мобильді бригадасы жұмыс істейді.
Аталған бөлімшелер медициналық авиация қызметінің жұмысын тәулік бойы үйлестіруді, пациенттерді жоғары технологиялық медициналық көмек алу үшін Астана қаласының республикалық клиникаларына медициналық тасымалдауды ұйымдастыруды және жүзеге асыруды қамтамасыз етеді.
