Ұлттық шұғыл медицинаны үйлестіру орталығының патологиялық-анатомиялық блогы патологиялық-анатомиялық зерттеулер жүргізуді, диагноздардың морфологиялық верификациясын және көрсетілген медициналық көмектің сапасына сараптамалық бағалау беруді қамтамасыз ететін мамандандырылған құрылымдық бөлімше болып табылады.
Блок заманауи жабдықтармен жабдықталған. ҰШМҮО патологиялық-анатомиялық блогы құрамында Leica Aperio GT 450 DX цифрлық патология жүйесі қолданылады. Бұл Қазақстан Республикасында баламасы жоқ, жарық өрісінде зерттеулер жүргізуге арналған соңғы буындағы сканерлейтін микроскоп. Жүйе 450 микропрепаратқа дейін жоғары жылдамдықта сканерлеуді және кескін сапасын автоматты бақылауды қамтамасыз етеді. Қолданылатын RTF-технологиясы және 40x үлкейткіші бар Leica объективі тұрақты фокусты және жоғары деңгейдегі детализацияны қамтамасыз етеді.
Аталған жабдық гистологиялық препараттарды жоғары дәлдікпен цифрландыруға арналған және диагностикада, телепатологиялық консультацияларда, сараптамалық қорытындылар беруде, білім беру қызметінде, ғылыми зерттеулерде, сондай-ақ цифрлық слайдтарды архивтеуде және мультидисциплинарлық консилиумдарды ұйымдастыруда қолданылады.
Алынған цифрлық бейнелер электрондық тасымалдағыштарға (флеш-жинақтағыштар, қатты дискілер және т.б.) оңай тасымалданады, бұл Қазақстаннан және шетелден жетекші мамандармен қашықтан консультациялар ұйымдастыруға мүмкіндік береді.
Бөлімшенің қызметі өлім себептерін анықтауға, аурулардың және асқынулардың даму механизмдерін зерттеуге, сондай-ақ стационардағы емдеу-диагностикалық процесті жетілдіруге бағытталған. Патологиялық-анатомиялық зерттеулердің нәтижелері медициналық көмектің сапасы мен қауіпсіздігін ішкі бақылау жүйесінің маңызды бөлігі болып табылады.
Патологиялық-анатомиялық блоктың негізгі бағыттары:
- Қазақстан Республикасының заңнамасына сәйкес патологиялық-анатомиялық аутопсиялар жүргізу;
• өлімнің тікелей себептерін анықтау және танатогенезді талдау;
• биопсиялық және операциялық материалдарға гистологиялық зерттеулер жүргізу;
• клиникалық диагноздарды морфологиялық верификациялау;
• операциядан кейінгі асқынуларды анықтау және талдау;
• күрделі жағдайларды клинико-анатомиялық конференциялар мен сараптамалық талқылауларға қатысу;
• клиникалық және патологиялық-анатомиялық диагноздардың сәйкессіздігін талдау;
• патологиялық-анатомиялық зерттеулер нәтижелері бойынша қорытындылар мен статистикалық мәліметтер дайындау.
Патологиялық-анатомиялық блок ҰШМҮО-ның клиникалық бөлімшелерімен тығыз өзара әрекеттеседі, бұл диагностика дәлдігін арттыруға, емдеу-диагностикалық әдістерді жетілдіруге және клиникалық нәтижелерді жақсартуға ықпал етеді.
Өз қызметінде блок мамандары морфологиялық диагностиканың заманауи әдістерін қолданады, дәлелді медицина қағидаттарын, кәсіби этика мен құпиялылықты сақтай отырып, патологиялық-анатомиялық зерттеулер сапасының жоғары деңгейін қамтамасыз етеді.
