Медициналық авиацияның мобильдік бригадасы жүрек ақауы бар жаңа туған нәрестені Ақтаудан Нұр-Сұлтанға жеткізді
2021 жылғы 20 тамызда Маңғыстау облысының Облыстық перинаталдық орталығында салыстырмалы түрде қанағаттанарлық жай-күйде бала дүниеге келді.
Өмірінің алғашқы күнінде балада сылбырлық, сырылы бар тыныс алу байқалған. Зерттеп-тексеру жүргізілді, сатурацияның төмендеуі, аяқ-қолдардың дірілі анықталды.
Бұрын құрсақта туа біткен жүрек ақауы анықталғанын ескере отырып, бала жаңа туған нәрестелер реанимациясына ауыстырылды.
Медициналық мамандармен консультациялар жүргізілді, республикалық деңгейдегі клиника жағдайында баланы жедел емдеу ұсынылды.
1 қыркүйекте балалар кардиореаниматологімен бірге баланы медициналық авиация бортымен Ұлттық ғылыми медициналық орталықтың балалар кардиохирургиялық бөлімшесіне тасымалдады.
