Жыл сайын көктемнен бастап елімізде, әсіресе оңтүстік өңірлерде, кенелер қаптайды. Кененің негізгі қорегі – қан. Ол адамды шаққан кезде, сілекейімен бірге қанға жұқпалы вирустар енуі мүмкін. Бұл – адам өміріне өте қауіпті. Тіпті адам өліп кетуі мүмкін. Теріге енген кенені бірден алып тастау оңай емес. Дәрігердің көмегі қажет.

Осыған орай, Жамбыл облыстық жедел медициналық жәрдем станциясының бригадалары арнайы 1-ші типті қорғаныш костюмдерін киіп, осындай шақыртуларды орындады.