Ұлттық шұғыл медицинаны үйлестіру орталығының травматолог дәрігері және Астана қаласы Денсаулық сақтау басқармасының бас штаттан тыс травматологы Солод Алексей Евгеньевич «Доброе утро, Қазақстан» бағдарламасына қатысты.

Сұхбат барысында Алексей Евгеньевич қыс мезгілінде жиі кездесетін жарақат түрлері, олардың негізгі себептері, сондай-ақ жарақаттың алдын алу шаралары туралы айтып өтті. Әсіресе, тайғақ жерде құлау салдарынан болатын жарақаттарға, оның ішінде сыну, созылу және соғылу түрлеріне ерекше назар аударылды.

Елордадағы бас травматолог қыс мезгілінде қауіпсіздік шараларын сақтау, дұрыс аяқ киім таңдау, сондай-ақ өз денсаулығына мұқият әрі жауапкершілікпен қараудың маңыздылығын атап өтті.