2021 жылдың 13 сәуірінде 1975 жылы туған әйел Балқаш қаласының орталық ауруханасына өз бетінше жүгініп, шұғыл түрде терапевтік бөлімшеге емдеуге жатқызылды. Жай-күйінің нашарлауына байланысты 24 сәуірде реанимация бөліміне ауыстырылды.
Геморрагиялық және анемиялық синдромға байланысты пациенттің жай-күйі ауыр дәрежелі. Әйелге IV дәрежелі тромбоцитопения, постгеморрагиялық анемия диагнозы қойылған.
Пациентке гематологиялық бөлімше жағдайында мамандандырылған емдеу, сондай-ақ толық қарап-тексеру жүргізу қажет екенін ескере отырып, 27 сәуірде медициналық авиация күшімен әйел Қарағанды қаласының Облыстық клиникалық ауруханасына тасымалданды.