2021 жылғы 17 сәуірде Зайсан аудандық орталық ауруханасына бастың маңдай бөлігі сырылған, оң көз тұсындағы ісіну, әлсіздікке шағымдануы бар екі жасар бала келіп түсті. Үйінде жарақат алған – 1 метр биіктіктегі терезенің алдынан құлап, басын ұрып алған.

Ауырсынудың күшеюіне байланысты олар ауруханаға өз бетінше жүгінді, баланы хирург қарап-тексерді және ауыр жай-күйде реанимация бөліміне емдеуге жатқызылды.

Зерттеп-тексерулерден кейін «Жабық бас сүйек-ми жарақаты. Мидың травматикалық ісінуі» диагнозы қойылды.

Жай-күйдің шұғылдығына, жедел емдеу жүргізу қажеттілігіне сүйене отырып, медицина мамандары 19 сәуірде балалар реаниматологының алып жүруімен сәбиді әуе көлігімен Өскемен қаласының Ана мен бала орталығына тасымалдауды ұйымдастырды.