fbpx

EN

Ақмола облысының көпбейінді облыстық ауруханасында 20 сәуірде 24 апта жүктілік кезінде шала туылған қыз дүниеге келді.

Туылғандағы салмағы 731 грамм болды. Босану бөлмесінде жай-күйі тұрақтанғаннан кейін, жылу тізбегін сақтай отырып, бала шұғыл түрде реанимацияға ауыстырылды, өкпені жасанды желдетуге қосылды.

Баланың жай-күйі тыныс алу жеткіліксіздігіне, органдардың морфологиялық жетілмегендігіне, терең шала туылуына байланысты өте ауыр.

Медициналық мамандардың күтім кезеңінен өту кезінде туа біткен жүрек ақауы анықталды, оған операция жасау керек.

Баланың жай-күйінің ауырлығын, балалар кардиохирургінің, балалар анестезиологының жоқтығын ескере отырып, орнында медициналық авиацияның мобильдік бригадасы шақырылды.

4 маусымда Ұлттық ғылыми медициналық орталықтың балалар кардиохирургиялық бөлімшесінің 3 дәрігерінен тұратын мобильдік бригада Көкшетауға ұшып барып, нәресте үшін өмірлік маңызды операция жасады. Операциядан кейінгі жай-күйі тұрақты, гемодинамикасы нормада.

Сәбидің сауығып кетуін және денсаулығы мықты болуын тілейміз!

FaLang translation system by Faboba