2026 жылғы 24-25 ақпанда Куала-Лумпур қаласында (Малайзия) Басқарма Төрағасы Әділбеков Ержан Боранбайұлы, диагностика департаментінің басшысы Тәжібаев Дулат Мәжитұлы және РИПҮО жетекші маманы Қабиболла Самал Мұратқызы TENACITY зерттеушілерінің кеңесіне қатысты.
Кездесу барысында жедел ишемиялық инсультті емдеу бойынша III кезеңдегі халықаралық клиникалық зерттеу хаттамасының негізгі ережелері талқыланды.
ҰШМҮО “TENACITY” зерттеуін жүргізу үшін клиникалық база ретінде таңдалды. Біздің Орталық Қазақстанда осы халықаралық жобаға енгізілген алғашқы орталық болды.
ҰШМҮО базасында зерттеуді іске асыру дәлелді медицинаны дамытуда, инсульттік көмектің сапасын арттыруда және халықаралық ынтымақтастықты нығайтуда маңызды кезең болады.
